Aste honetan dantza berri bat usten dizuet, gazte eta helduok egin ditzakezuen dantza dibertigarri bat hain zuzen. Dantza hau pitx (alunelul) izena du.

PITX

Borobilean elkarri helduta egiten da. Denok ezkerrerantz hasiko gara, ezkerreko oinaz. 

KOREOGRAFIA:

- Zabaldu, itxi, zabaldu, itxi, zabaldu eta 2 jo eskuinaz, ondoren eskuinerantz (2 aldiz).

- Ezkerrera, zabaldu, itxi, zabaldu eta jo eskuinaz, berdina eskuinera ( 2 aldiz).

- 1 ezkerrera, 1 eskubira , 1 ezkerrera, 2 jo eskuinaz. 1 eskubira, 1 ezkerrera, 1 eskubira, 2 jo ezkerraz (azkartzen joango da dantza).

- BERRIRO DENA.  

Euskal dantzak psikomotrizitatea lantzeko eta musika lantzeko balio duten arren, Euskal Herriko ondare kulturalaren zati dira, hauek, kultura eta folklorearen osagai garrantzitsuak izanik. Herri, eskualde edo lurralde batetik bestera dantzak aldatu egiten dira, baita esanahia eta dantza egiteko modua ere (jantziak, partaideak...). Dantza batzuk oso zaharrak dira, ia betidanik egin dira Euskal Herrian, baina badaude antzinako dantzen bertsio eraberrituak ere.
Hauek gure kulturaren zati direnez, ondo dago gure haurrek horien inguruan zerbait bereganatzea.

Hona hemen Euskal dantzen inguruko informazioa eta hitza pasa jolasa 3. zikloko umeekin lantzeko erabilgarria izan daitekeena.

Euskal dantzei buruzko informazioa

JOLASA

Euskal dantzen inguruko albisteak

Hona hemen Euskal dantzen inguruko albiste guztiak agertarazten dituen web orrialdea. Hemen, azkenengo dantza ekitaldi, gertakizun, dantza taldeen berriak... ikusteko aukera izango duzue. Hortaz dantza emanaldien berri izanda horiek ikusteko aukera izango duzue, bai gazte eta helduok ere.

https://dantzan.eus/albisteak

Gaurko sarrera honetan euskal dantza batzuen ABESTIAK eta horien partiturak igoko dizkizuet. Hauek musika klaseetan lantzeko erabilgarriak izan daitezke. Alde batetik, abestiak agertzen dira haurrek kantatzeko, eta bestetik, partiturak agertzen dira musika tresna desberdinekin jo daitezkeenak, esaterako, silifonoa edo txirula hirugarren zikloan.

Hona hemen horietako hiru abesti:

ZAZPI JAUZIAK (txori txikia)

Txori txikia negarrez ari da

txio txioka amari deika (BIS)

Goizean goiz kabitik ihes egin du

iluntzean basoan galdu zaigu

ZAPATAIN DANTZA

Zapa zapa zapatalari

ene Joxe Mari

zapatak konpontzen ari da

kolpeka kantari.

Joxe Mari zapatalari

kantari alaia,

esku batean mailua du

bestean porroia.

Kolpe, kolpe, kolpeka

josi eta josi

josi eta josi.

Kolpe, kolpe, kolpeka

josi eta josirik zapatak.

Haria hartu argizaria

orratzan zatz!

korapilo bat, korapilo bat!

BUHAMEAK 

Buhamiek badakie trinku trankun egiten

Oiloño bat ebats eta altzo pean gordatzen

Ai urdea ai urdea

Urde urde handia

Ai urdea ai urdea

Urde buhame handia

Buhameak erosi du lau sosetan ogia

Lagunari saldu dio bost sosetan erdia

Ai urdea ai urdea

Urde urde handia

Ai urdea ai urdea

Urde buhame handia

                                     

 Gaur amaitzeko HIRUGARREN ZIKLOAN lantzeko bi dantza eskainiko dizkizuet: polka pik eta txapelua polka.

POLKA PIK

Dantza hau binaka egiten da, neska mutil, biak elkarri helduta. 
Dantzak bi zati ditu. Lehenengo zatian takoi, punta eta aurrera egiten da denbora osoan bideoan ikusiko duzuen moduan. Dantzaren bigarren zatian, buletak ematen dira.

POLKA TXAPELUA

Gaur BIGARREN ZIKLOAN egiteko bi dantza berri dakartzat, lehenengoak buhameak izena dauka eta bigarrenak San petrike.

BUHAMEAK

Iparraldeko dantza da. Oinarri bezala jauzietako pausoak ditu eta gero jolasteko aukera ematen duen dantza da.

 Hau ere korroan dantzatzen da, bideoan dantza zelakoa den ikusteko aukera izango duzu.

SAN PETRIKE

Joko klasiko antzekoa da, bertan mugimenduak edo dantza moldeak errepikatuz doazen einean berriak gehitzen zaizkio, azkenean mugimendu guztiak elkartzean amaitzen delarik.

Koreografia bitan banatzen da: lehenbiziko zatia dantzatua da, aldiz bigarrena gorputzaren atal ezberdinekin lurzorua ukitzen den jolas modukoa da (oinak, hatzak, belaunak, ukalondoak, belarriak, ipurdia...), azkenean dantza itzulipurdi batez bukatzen delarik

Hona hemen Euskal herrian oso tipikoak diren beste bi dantza. Dantza hauek umeentzako oso errazak dira eta korruan egiten dira.

1. ZAZPI JAUZIAK

Bi pauso bakarrik erabiltzen ditugu:     


- Erdizka: 1, 2, 3, itxi.

- Jauzi: 1, itxi, 2, itxi.


KOREOGRAFIA:

Beti berdina, jauzi kopurua gehitzen doa:

- Erdizka lauetan (erdizka 4 aldiz)

- Jauzi

- Erdizka

- Jauzi

- Erdizka

- Saltoa(k) (1, 2, 3, 4, 5, 6 eta 7)

- DENA ZAZPI ALDIZ ERREPIKATU

2. ZAPATAIN DANTZA

Lapurdiko dantza jokoa da. Dantza erraz honetan zapatarien lana antzezten da.

Ondo bereizitako zati bi ditu dantza honek, bata jauzien pausuz osatutakoa eta bestea, zapatariak bere lanean egiten dituen mugimendu ezberdinen antzezpenaz osatua: orratza begiratu, josi, iltzatu...

Beraz, dantza hau jolas dantzen nahiz lanbide dantzen artean sailka dezakegu.

BIDEOA 

Hasteko, sarreran aipatu dudan moduan, psikomotrizitatea lantzeko zenbait dantza aurkeztuko dizkizuet.

Gaur, hasteko lehenengo zikloko bi dantza erraz eta tipiko dakartzat. 

Hona hemen lehenengo dantza, gehienok ezagutzen dugun umeentzako dantza erreza eta dibertigarria, hain zuzen:

ESKU DANTZA

• Baztango irri-dantza bat da.
• Binaka eta aurrez-aurre jarritako esku-jolas dantza bat da.
• Musika lasai hasten da eta pixkanaka azkartzen doa.

Gaurko bigarren dantza hau da:

 TXULALAI

Borobilean elkarri helduta egiten da dantza hau, neska-mutil, neska-mutil...
Dantza honen koreografia honako hau da:

• Kalejiran eskubi aldera.
• Kalejiran ezker aldera.
• Eskubiko hanka gora, baita bi besoak ere.
• Ondoren ezkerreko hanka atzera eta besoak behera.
• Neskak eskubi aldera eta mutilak ezkerrera hasiko dira ipurdiaz elkarri jotzen (16 ipurdiko).

Vimeon hainbat video topa daitezke, batzuk oso interesante, beste batzuk ez hainbeste

Karmen Eguna Larrean 2014 from Zornotza TV on Vimeo.

beste bideo bat

Bideo hau youtubetik ekarri dugu, baina HTML kodea kopiatuta, aldaketak egin ondoren

Bideo bat

 

Bideo bat jarriko dugu sarrera honetan youtubetik, oso erraza da

 

oso ondo geratzen da sarreran

Sarrera

Kaixo lagun!

Blog honen bidez, Euskal dantzari buruz zer edo zer ikasteko aukera izango duzu. Euskal dantzak Euskal kulturaren zati dira, eta hortaz, baliogarria izango da horren inguruan zerbait barnera dezazun.

Gainera, Umeek psikomotrizitatea lantzea garrantzitsua da eskolan, eta horretarako euskal dantzak horretan lagun dezakete. Euskal dantzak eskolan gorputz hezkuntza iragaskaian landu daitezke. 

Beraz, blog honetan,  zikloka banatuta  gorputz hezkuntzan egin daitezkeen dantza tipikoenak aurkitzeko aukera izango duzu.

Amaitzeko, euskal dantzak musika irakasgaiarekin ere lotuko ditugu. Hortaz, blog honetan abestiak eta horiek lantzeko ekintzak ere izango dituzu eskuragai.

Espero dut zure gustokoa izatea!